Rahvahienväline muamankielen päivy
Rahvahienväline muamankielen päivy (muuloil virallizil kielil: angl. International Mother Language Day, isp. Día Internacional de la Lengua Materna, fr. la Journée internationale de la langue maternelle) on perustettu kylmykuus v. 1999 Unescon piäkonferensien 30 kerähmöl. Sidä pietäh 2000 vuvves algajen 21. tuhukuudu da sen piämiäry on kielilöin da kul’tuuroin vardoičus. Unesco tahtou perustua tarkastussistiemua, kudai rubieu tarkailemah niilöin kielilöin kunduo, kuduat voijah hävitä, da auttamah tilandehen parandukses.
Unescon arvostelun mugah puoli 6 000 muailman kielilöis on häviemizen varavos. Vuvvennu 2009 Unesco ilmoitti, gu 136 kieldy Ven’al voi hävitä.
Päivymiäry on yhtenmoine kui bengalin kielen stuatussuväittelyn päivy, kuduadu pietäh Bangladešas vuvven 1952 veritapahtumien mustokse, konzu Pakistanan politsii tappoi bengalin kielen puolistajii, kuduat tahtottih luadie bengalin kieli virallizekse kielekse Pakistanan päivinnouzus (Bangladeš vuvves 1971 algajen).
Yhtistynyzien kanzukundien yhteiskerähmö kannatti piätöksen rahvahienvälizes muamankielen päiväs (Piätös № Α/RES/56/262) da kehoitti Yhtistynyzien kanzukundien valdivot vardoiččemah da säilyttämäh muailman kaikin kielet.
Rahvahienvälizen muamankielen päivän jogavuodizet aihiet
[kohenda | kohenda tekstu]- V. 2011 – Tiedotehnolougiet kielilöin kehitykseh da säilyttämizeh näh.
Huomavus
[kohenda | kohenda tekstu]↑ Rahvahienväline muamankielen päivy Unescon verkosivul